EAM leh Canana FM Anita Anand inhmu

External affairs minister S. Jaishankar chuan G7 foreign ministers' meeting, Niagara, Canada-a neih kar lakah Canada foreign minister Anita Anand a kawm. Jaishankar hian Canada prime minister hlui Justin Trudeau hun laia India leh Canada inkar chhe tawh siamṭhatna dan tur Anita hi a sawipui a ni.

Jaishankar chuan Anita chu social media post kaltlangin G7 foreign ministers' meeting an thleng thei a lawmpui thu a thawn a, New Roadmap 2025 duanna leh hlawhtlinna pawh lawmawm a tih thu a hrilh bawk. Hei bakah hian ram pahnih inkar siam ṭhat a, thawh dunna tihhmasawnna tur chungchang pawh ngaihtuah a nih thu a tarlang bawk.

Hruaitu pahnihte inbiakna chungchang hi Anand chuan X -ah tarlangin, thawh dunna tur hian energy, security, leh mipui leh mipui inpawh tawn theihna tur chungchang sawi a nih thu a tarlang ve bawk.

G7 foreign ministers' meeting hmang tur hian Canada chuan outreach partner ram - Australia, Brazil, India, Saudi Arabia, Mexico, South Korea, South Africa leh Ukraine-te chu a hranpain a sawm a ni.