Jharkhand-in Rs vbc 5,992 hu project 166 hawng dawn

Jharkhad sorkar chuan vawiin hian state an nihna champha vawi 25-na pualin hmasawnna hna thawhna tur project 166, Rs vbc 5,992 hu a hawng dawn.

Chief minister Hemant Soren chuan Ranchi-a Morhabadi-ah project hawnna leh lungphum phumna hun hi a hmang dawn a, heng zingah hian infrastructure project lian tham - degree college, hospital, sports complex, hostel leh kawng siamna turte a tel.

Project 166 zingah 66 hi, Rs vbc 2,396 hu kawng siamna tur niin, Water Resources Department hnuaiah Rs vbc 2,082 hu project 24 leh Urban Development Department hnuaiah Rs vbc 887 hu project 24 siam a ni bawk. School Education and Literacy Department hnuaiah project 21 siam a ni a, Higher and Technical Education tana siam, Rs vbc 412 hu project 17 a awm bawk a ni.

State Foundation Day Festival hi vawiin leh naktukah Morhabadi Ground-ah an hmang dawn a, Bhagwan Birsa Munda piancham vawi 150-na lawmna pualin special exibition siam a nih bakah, Shibu Soren hriatrengna hun hman a ni bawk ang.