Health Minister-in AMRIT outlet 10 hawng

Union health minister Jagat Prakash Nadda chuan Inrinni liam ta khan Bharat Mandapam, New Delhi-a Pharmacy 10th Anniversary lawmna pualin ram chhung hmun hrang hranga hman tur,man tlawm zawka damdawi hralh chhuahna AMRIT (Affordable Medicines and Reliable Implants for Treatment) outlet 10 chu virtual-in a hawng. AMRIT pharmacies kaltlang hian damdawi hrang hrang chu a man tlawm, 50% aṭanga 90% a tlawmin hralh chhuah ṭhin a ni.

AMRIT thar hawnna puala hun hmanah minister Nadda chuan man tlawm zawka damdawi an hralh chhuah hmang hian damloten Rs vbc 8,500 chuan an hum theih phah tih a sawi a, kum 10 liamta chhung khan State leh Union Territory-ah AMRIT 255 a awm hman tih a tarlang. Damdawi, impants, surgical disposable leh damdawi chi dang dang 6,500 chu a man aia tlawma pek chhuah a nih thu a sawi.

Kum 2015 khan AMRIT hi kalpui ṭanin, public sector HLL Lifecare Ltd kaltlangin AMRIT dawrte hi hawn a ni. Tunah hian out let 255 a awm mek. Minister chuan HLL Lifecare chu medical college leh district hospital tinten AMRIT dawr hi an neih vek theihna tura outlet 500 tal hawn tum turin a ngen.