Amit Shah-a'n NZC meeting vawiinah kaihruai dawn

Union home minister Amit Shah chuan vawiin hian Faridabad, Haryana-a Northern Zonal Council (NZC) meeting vawi 32-na a kaihruai dawn. Meeting-ah hian health, electricity, hmeichhiate laka hleilenna thubuai rang taka ngaihtuahna leh naupang harsatna tawh chungchangte sawi hona neih a ni ang.

NZC-ah hian state leh UT - Haryana, Himachal Pradesh, Punjab, Rajasthan, Delhi, Jammu and Kashmir, Ladakh leh Chandigarh-te huamin meeting-ah hian chief minister, lieutenant governor bakah central leh state aṭangin official-te an tel dawn a ni. Meeting hi Inter-State Council Secretariat leh Ministry of Home Affairs in an huaihawt a ni.

Zonal council-ah hian zone huam chhunga awm state leh UT in harsatna an tawh chinfel dan tur chungchang ngaihtuah ho tum a ni bawk. hei bakah ram pum huap kaihhnawih thil - Fast Track Special Court siam, khaw tina brick-and-mortar banking facility pek bakah Emergency Response Support System chungchang pawh sawi ho a ni dawn bawk.

Northern Zonal Council hi zonal cuncil panga awm zinga pakhat niin, States Reorganisation Act, 1956-a section 15 - 22 hnuaia din a ni a. Union Home Minister hi NZC chairperson a ni a, Haryana CM chu vice-chairperson a ni thung.