MGNREGA hnuaia thawktu nuai 27 dawn paih an ni

Sorkar laipui hnuaia rural job scheme Mahatma Gandhi National Rural Employment Guarantee Act (MGNREGA) hnuaia thawktu nuai 27 dawn hming chu data base aṭanga paih an ni. Hming paih hi kumin October 10 aṭanga November 14 inkara thleng niin, paih hun bawra thawktu dah belh erawh nuai 10.5 chauh an ni tih Lib Tech chuan tarlang.

MGNREGA scheme aṭanga paih tam zawk hi kum 2023 aṭanga hman ṭan, scheme hnuaia thawktute hlawh pekna atana hman Aadhaar Based Payment System (ABPS) tihfel loh vang nia sawi a ni. Hemi hmang hian thawktute nihna leh an chanchin kimchang chu Aadhaar leh job card te nen a in mil vek a ngai a, a inmil lo thawktute chu list aṭanga paih an ni ta a ni.

Hetih laiin state anga e-KYC tifel tamna berah 78.4% tifel tawhin data aṭanga paih hi nuai 15.92 an awm a, Tamil Nadu-ah pawh 67.6% tifelin thawktu 30,529 paih an ni. Chhattisgarh pawhin 66.6% tifel tawh awmin mi nuai 1.04 paih an ni ve bawk. Hemi a nih vang hian e-KYC tih leh tih lohah hian thawktu paih a ni lo niin Lip Tech chuan an sawi.