Congress-in SIR neihna tur state leh UT- a OB-te hmu dawn

Congress party hruaitute chuan vawiin hian Special Intensive Revision(SIR) kalpuina tur state leh Union Territory 12-a an party hruaitutu - AICC in-charges, Pradesh Congress Committee chief, Congress Legislature Party (CLP) leader, leh secretary te chu Indira Bhawan-ah review meeting an neihpui dawn.

Election Commision chuan Inrinni liam ta khan SIR kalpuina tur state pakua leh UT pathum aṭangin 95% aia tam, elector vbc 5.99 chuan enumeration form an dawng tawh tih a tarlang. SIR kalpuina tur zingah Tamil Nadu, Puduchery, Kerala, leh West Bengal-te chu nakkum 2026-a assembly inthlan hmachhawn turte an ni a, hemi avang hian Congress chuan sorkar laipui leh EC chu 'vote rukbona' kalpui leh an tum niin an puh zui bawk.

Congress hruaitu Rahul Gandhi chuan Bihar inthlan result chuan inthlan dik taka kalpui a nih loh zia a tilang nia sawiin, Congress leh INDIA bloc chuan SIR kalpuiin a nghawng chhuahte uluk zawk leh thuk zawka zirchianna neiin thlirletna an kalpui zel dawn tih a sawi.

SIR thawh hnihna hi November 4 khan kalpui ṭan niin December 4 thleng neih tura ruahman a ni. Hetih laiin nakkuma inthlan hmabak ve bawk Assama kalpui hun tur chu a hranga ruahman leh tum a ni thung.