PM thusawi tura phut vangin inkhawm titawp

Nimina Parliament in hnih inkhawmah eptu member-teín sorkar laipui≠in pawisa note lian pahnih a tih thih chung≠changah Prime Minister Narendra Modi chu thusawi tura phutin an au buai leh a, inkhawm pawh tihtawp a ngaih phah a ni.

Rajya Sabha inkhawmah CPM ge≠neral secretary Sitaram Yechury chuan pawisa tih thih avanga harsatna thlen dante chu sawiho turin PM chu rorelnaa tel tura an phut thu a sawi a, tun thlenga hemi chungchang House chhunga engmah a la sawi duh lo chu hriatthiam hara tih thu a sawi.

Lok Sabha-ah pawh Congress hruiatu Mapanna Mallikarjun Kharge chuan thu sawiin, ìPawisa thi vanga harsatna tawk mi 70 chuangin nunna an chan phah tawh a, mi 1,000 chuangin hliam an tuar tawh bawk. Heng buaina leh harsatna thleng mekte hi House-a sawiho a nih theih nan a, PM a lo tel ve hunah chauh a tawp thei angî, a ti.

Eptute thil phut hi chhangin, Union Home Minister Rajnath Singh chuan House-a sawihonaa tel turin a ṭul a nih chuan PM chu ala tel dawn tih a sawi. Mipuiten buaina an tawh phah ta a nih chuan pawisa tih thih aṭanga a nih khat ni aṭang khan sawiho turin an inpeih reng tih a sawi.