Jail aṭanga tlanchhuak KLF hotu man

Punjab-a Nabha Jail aṭanga Pathianni-a tlanchhuak, Khalistan Liberation Front hotu Harminder Singh Mintoo chu nimin khan Delhi-ah Punjab Police leh Delhi Police-a Special Crime Branch-teín an man.

Pathianni khan Nabha Jail hi police uniform-a inthuam ralthuam keng mi 10 ten an luhkhung a, silai hmetpuakin jail
aṭang hian Mintoo bakah mi panga an tlanchhuahpui a ni. Jail aṭanga tla≠chhuakte hi KKF hotu Mintoo bakah firfiaka chetnaa inhnamhnawih - Kashmir Singh, gangster Gurpreet Sekhon, Vicky Gounder, Amandeep Dhotian leh Neeta Deol te an ni.

Jail aṭanga tlan≠chhuakte man tumin beihpui thlak zui nghal a ni a, Punjab ṭhenawm state-te pawh hriattirna pek an ni.

Mintoo hian jail
aṭanga a tlanchhuah hnuin Delhi-a a chhungte biakpawh a tum a, an inbiakna hi police-te chuan lo manin, an chhui zui ta a ni. Police-te bum nan Mintoo hian Kaithal
aṭangin bus-in Kuruskhetra, Haryana a pan a ni. Heta ṭang han Panit panin bus-ah a chuang leh a, Panit aṭangin bus dang hmangin New Delhi a pan leh a ni. Delhi aṭang hian Panvel, Maharashtra pan tumin ticket a book a, Goa-ah biruk a tum niin police-te chuan an sawi. Mahse an inbiakna an lo man fuh avangin Delhi a thlen hnu hian police joint team hian an lo man ta a ni.

Uttar Pradesh, Shamli district-a jail beihnaa a phusa bera sawi, Parmider Singh chu man a ni tawh bawk. Police-teín thu an zawhfiahnaah, Singh chuan jail an beih chhan ber chu tualthah leh mirawk thubuai eng emaw zat nei, Vicky Gounder tlanchhuah pui tura ti an nih thu a sawi a, mahse Mintoo hian an thil tum hi lo hriain, a hnuah an zingah a tel ve tih a sawi.