LoC-ah kawng tam zawk hawng turin ngen

Jammu and Kashmir-a Pakistan ramri, Line of Control (LoC) ah ram pahnih sipaite inkahna thleng fo mah se, J&K Chief Mi≠nister Mehboob Mufti-i chuan zin veivak leh insumdawn tawnna atan kawng tam zawk hawng turin a ngen.

CM Mufti-i hian Union Home Minister Rajnath Singh leh Defence Minister Manohar Parrikar-te meeting a neihpuinaah LoC-a inkalpawhna tur kawng tam zawk hawn a nih chuan ram pahniha chengte intlawhtawn leh insumdawn tawnna lama thlengin nghawng ṭha zawk a thlen dawn niin a sawi.

CM hian Kashmir ṭhalai, Pakistan-occupied Kashmir (PoK)-a helho training-na hmun zawma kal, mahse inlamleta bul ṭan thar tura kir leh duhte tan Nepal route chu hawng leh turin a ngen.

J&K sorkarin a tarlan danin kum 2010-11 aṭang khan PoK-a kal, Kashmir ṭhalai 1,253 chu an state-ah hian an kir leh tawh niin a sawi a, heng zinga mi 453 chu Nepal kaltlangin an haw a ni.