BJP MP leh MLA-te an bank transaction thehlut turin ngen

Prime Minister Narendra Modi chuan BJP MLA leh MP-te chu November 8 aṭanga December 31 inkar chhunga an bank account-a sum an tihchet dan kimchang, BJP party president Amit Shah hnenah thehlut vek turin a ngen.

November 8 khan sorkar laipui chuan pawisa note lian pahnih, Rs 500 leh Rs 1,000 a ti thi a, heng pawisa note hlui te hi bank account-ah December 31 thleng dahluh phal a ni.

Pawisa note tih thih a nih chung≠changah hian eptu party-te chuan sorkar beiin, mipui nawlpuite harsatna lian tak an siamsak laiin BJP hruaitute chu an buai phah ve lo niin an sawi a, sorkar thil tum hi an lo hre lawk niin an puh. Eptute puhna chhan let nan leh, sorkarin langtlanga thil kalpui a tum thu a lo sawi tawhte nemngheh nan PM chuan an party MLA leh MP-te hi an sum tihchet dan thehlut turin a ngen a ni.

BJP hruaitute hian pawisa note thih tur hi an hriat lawk avangin, Bihar-a BJP unit chuan ram zau tak an lo lei lawk a, West Bengal-ah pawh an party unit hian bank-ah sum tam tham tak an lo dahluh khalh nia sawi a ni.