Bangladesh-ah Manohar Parrikar a zin

Defence Minister Manohar Parrikar chu nimin khan Bangladesh-ah a zin a, India defence minister zinga Bangladesh tlawh hmasa ber a ni.

Parrikar hi ni hnih a cham dawn a, a cham chhung Bangladesh hruaitute kawmin security lama ram pahnihte thawhdunna tihchak dan turte a sawipui ang. Nimin khan Bangladesh President Abdul Hamid a hmuh bakah, Security Adviser to Prime Minister a kawm nghal a ni.

Vawiin hian Chittagong-a military academy a tlawh dawn a, Bangladesh Vice Chief of the Army leh Air Force bakah Deputy Chief of Navy leh Coast Guard chief-teín an ṭawiawm ang. Hemi hnu hian Prime Minister Sheikh Hasina-i a hmu leh dawn a ni. Hasina-i hian December thla chhung hian India ram rawn tlawh a tum bawk.

Parrikar leh Bangladesh hruaitute inkawmnaah hian naval leh air force sipaiten nunchan an zirho dan tur te, Bangladesh defence tana training pek dan te, military hardware supply, technology transfer, international maritime boundary-a thawhdunna te, Exclusive Economic zone-a joint surveillance neih chungchangte an sawi tel ang.