Parliament-ah Congress-in CAB dodal dawn : Rahul Gandhi

Congress president hlui leh Wayanad MP Rahul Gandhi chuan Citizenship (Amendment) Bill chungchanga an dinhmun tichiangin, Parliament-ah an dodal dawn tih nimin khan a sawi.

Kozhikode, Kerala-a thuthar thehdarhtute'n an kawmnaah  Rahul Gandhi chuan, "Congress party chuan inthliarhranna chi reng reng chu a dodal a ni. India mi tupawh enhrangtu chu kan dodal a ni. Chu chu kan dinna a ni. India hi tu tan pawh a ni tih kan pawm a- community, sakhua leh eng hnam tan pawh a ni tih kan pawm," a ti.

Nilaini khan Union Cabinet chuan CAB hi Parliament thlasik ṭhutkhawma pharh a remti a, mahse Inner Line Permit (ILP) regime area leh Sixth Schedule of the Constitution hnuaia awm state erawh a huam dawn lo nia sawi a ni thung. CAB hi sorkar term hmasaah khan Lok Sabha-ah pass hman a ni a, mahse Rajya Sabha-ah a tlawlh tawh a ni.