Bengaluru-a ui seh enkawlna turin Pvt Hospital fund pe

Karnataka sorkar chuan Nialaini khan Greater Bengaluru Region-in ui seh vanga hliam tawk leh thite hnena zangnadawmna pe tura thupek a siam a ennawn hnuah, harsatna tawkte hnenah zangnadawmna pek a nih tur thu a puang. Ui seh tawkte puihna pek tur chungchangah hian kum 2023 kha thupek tihchhuah a lo ni tawh a, thupek tharah erawh siam danglam tlem a awm niin an tarlang.

Ui seh vanga hliamte hnenah puihna Rs 5,000 pek tura ruahman a ni a, heng sum pek tur hi Urban Development Department (UDD) aṭangin Rs 3,500 pek a ni ang a, a bang Rs 1,500 hi Karnataka health department hnuaia Suvarna Arogya Suraksha Trust aṭangin inenkawlna atana pek leh tura ruahman a ni thung.

Chhawmdawlna sum pek tur hi ui seh tawkten a rang lama enkawlna an nih theihna atan private damdawi-inah pawh an dawng thei vek dawn a, sorkar chuan heng private damdawi-inte chu enkawlna lo pe ngei turin a hriatitir bawk. Hetih laiin ui seh vanga thi emaw, ui â hri vanga thi chhungte hnenah zangnadawmna Rs 5,00,000 pek tura tih a ni bawk.