Reliance-in Russia oil chawk luh titawp

Reliance Industries Ltd chuan Ningani khan Russia aṭanga crude oil an chawk luh chu November 20 aṭang khan an tihtawp thu an puang.

Russia aṭanga oil lakluhte hi thawn chhuah leh tur atan Reliance hian SEZ refinery-ah an thlifim ṭhin. Mahse, European Union aṭanga sanction an neih tak hnu hian an titawp zui ta a ni. Oil dahṭhat an neihsate thlitfim zawh a nih hnuah December 1 aṭang chuan Russia ni lo ram dang oil an hmang tawh dawn tih company chuan an sawi.

Reliance hian khawvela hmun khata oil thlitfimna lian ber chu Jamnagar, Gujarat-ah an nei a, hemi atan hian nitin Russia aṭangin crude oil hi man tlawm zawkin barrel mtd 1.7-1.8 an lei ziah ṭhin a ni. Company oil thlitfim petrol, diesel leh aviation turbine fuel (ATF) te hi Europe leh U.S.-ahte an hralh chhuak leh ṭhin a ni.

Company hian Russia oil chawk luh a tihtawpna chhan pakhat hi, EU in nakkum January 2026 aṭangin Russia crude oil thlitfim aṭanga tuialhthei siam lei tihtawp a tum vang niin, Reliance chuan EU kaihhruaina siam zulzui hian oil chawk luh chu an tidanglam dawn tih an sawi a ni.