Mipuite rawtna aṭangin Jharkhand budget siam dawn

Jharkhand Chief Minister Raghubar Das chuan 2017-2018 state budget chu mipuite rawtna thehluh aṭanga siam a ni dawn tih a sawi.

Nimina West Singhbhum district-a Chaibasa-a division level pre-budget seminar neihah he thu hi sawiin, budget siam turah hian mipuite thurawn an la dawn tih a sawi a, mipuite chuan an mamawh te chu sorkar hnathawkte aiin an hre zawk a ni, a ti.

State budget hi nakkum January 26 hma ngeiin sorkar chuan pharh a tum tih a sawi bawk.

CM Das chuan kum 2017-ah pheikhawk siamna factory din a ni dawn tih a sawi a, March 2018 hmain state chhunga chhungkaw nuai 30 hnenah sorkar chuan electric supply a tum thu a sawi bawk.

Medical college pali dinna tur lungphum phum a ni thuai dawn a, division tinah school din niin, district tinah cottage industry tihlenna turin bazar hmunpui pawh siam a ni dawn tih CM chuan a sawi.