State 3 CM hnenah Maoist-in lehkha thawn

Maharashtra-Madhya Pradesh-Chhattisgarh (MMC)-a Communist Party of India (Maoist) [CPI (Maoist)] zonal committe chuan state pathuma chief minister-te hnenah lehkha thawnin, February 15, 2026-ah an ralthum dahin sorkar kutah an inpe dawn tih an hrilh. Hun tiam a thlen hma chu sorkarin anti-Maoist operation a kalpui mek chu titawp rih turin an ngen nghal bawk.

Lekhhathawnah hian, "Keini MMC Special Zonal Committee-te chuan kan ralthuamte dah a, sorkar chhawmdawlna Poonamargam scheme chu pawm kan duh. Mahse, state pathuma sorkar chu hun min pe lawk turin kan duh a ni," an ti. Maoist pawhin an hmalaknate chu tihtawp rih an tum thu tarlangin,an huntiam siam chu Maoism nuaibona tura sorkar laipui hun bituk, March 31, 2026 hma a nih thute an thailang tel a ni.

Chhatisgarh deputy CM Vijay Sharma chuan an lehkhathawn chu chhangin, Maoist chu thutlukna nghet tak siam tura duh thu a sawi a, inpek an duh a nih chuan sorkarin a ṭul ang apianga thawhpui a tum thu pawh a sawi lang nghal bawk.