India leh Nepal-in nunchan zir hona 'SURYAKIRAN XIX' ṭan

Indian Army leh Nepalese Army chuan Thawhlehni khan nunchan zirhona "Exercise SURYAKIRAN XIX - 2025" chu Pithoragarh, Uttarakhand-ah an ṭan. Nunchan zir hona hi ni 14 awh tur niin kumin hi ram pahnih sipai nunchan zir hona ṭum 19-na a ni bawk.

India leh Nepal sipai nunchan zir hona hi tlangruam ramhnuaia indo dan leh firfiak pawl beihna kawnga thawh hona ṭha an neih theihna tura duan a ni. Hei bakah hian theihna hrang hrang hmang khawvela remna leh muanna thlen tura thawh dun chu thil tum zinga mi a ni a; hemi kaltlang hian ram pahnih sipaite chu inrin tawnna leh thawh dunna ṭha siam tum a ni.

Nunchan zir hona hi kumtin ram pahnihte hian an inthlen chhawk ṭhin a, nikuma 18th edition Battalion Level Joint Military Exercise Suryakiran-ah khan Indian Army contingent mi 334 awmna chuan Saljhandi, Nepal-ah training an lo chhim tawh bawk. Ministry of External Affairs chuan India leh Nepal hian hun rei tak aṭang tawhin defence leh security-ah thawh dunna ṭha an lo nei tawh tih a tarlang.