India MRO hlut zawng kum 2031-ah USD tld 4 tling dawn

Civil aviaton minister K. Ram Mohan Naidu chuan kum 2031-ah India aircraft Maintenance, Repair, and Overhaul (MRO) market hlut zawng chu USD tld 4 a tling thei dawn niin nimin khan a sawi.

Minister hian Hyderabad-a France aerospace company, Safran MRO facility a hawnnaah he thu hi a sawi a ni. Ram chhunga aircraft MRO chetvelna chuan foreign exchange aṭangin USD tld 15 a hum thei dawn tih a tarlang bawk.

Safran Aircraft Engine Services India (SAESI) facility hawn thar hi nakkum 2026-ah hman ṭan theih tura duan niin, ram chhunga aviation sector tihmasawntu pawimawh tak a ni thei dawn a ni.

Tun dinhmunah India hi khawvel huapa civil aviation market leh domestic carriers ṭhan duan berna hmun a ni mek a, thlawhtheihna 1,500 chuang order a awm mek bawk. Hemi avang hian India chu 'global aviation hub' a ni thuai dawn tih leh, MRO sector ṭhanna chu 8.9% a tling dawn niin Naidu chuan a tarlang.