Sri Lanka-ah India-in chhawmdawl hna thawk tur tir

Cyclone Ditwah-in Sri Lanka a nuai vanga harsatna an tawh mek avanga an ram thuneituten India sorkar hnena chhawmdawlna an dil hnuah, sorkar laipui chuan chhawmdawl hna thawk turin INS Vikrant aṭangin helicopter an tir lut. Helicopter hmang hian thlipui tuarte ṭanpui leh chhanchhuah hna thawh a ni ang.

Thli leh ruah thawk hi ni hnih hnu velah Andhra Pradesh a nuai dawn nia chhut a ni. Hei vang hian Andra tuipui kam bakah Tamil Nadu leh Puducherry-ahte orange alert tihchhuah a ni tawh. India Meteorological Department (IMD) chuan thli leh ruah thawk hi December 1-ah a ziaawm dawn niin a tarlang.

IMD-in orange alert a tihchhuahna, Tamil Nadu chief minister MK Stalin chuan chhiatna nasa zawk a thlen lohna turin district 14-a collector-te chu inralring turin a hriattir a, thlipui thawk thei laka lo inveng tur hian a hriattir bawk. Chhawmdawlna rang taka thawk thei turin SDRF 16 leh NDRF 12 chu inralring turin a hriattir tawh bawk a ni.