W Bengal-in Raj Bhavan hming Lok Bhavan-ah thlak

Sorkar laipui aṭanga hriattirna an dawn hnuah, West Bengal governor Ananda Bose chuan Inrinni liamta khan Kolkata-a Raj Bhavan chu 'Lok Bhavan' tihin a hming a thlak. Governor office chuan ram chhunga state zingah West Bengal chu hming thlak hmasa ber a nih thu a tarlang.

Hming thlakna tur hian Union Home Ministry chuan November 25 khan hriattirna a tichhuak a ni. Governor Ananda Bose hian kum 2023 March khan hming thlak hi a dil a, a dilna tihlawhtlingin Psresident Droupadi Murmu chuan chief minister Mamata Banerjee hnenah hian phalna a pe a ni.

Raj Bhavan hi kum 1903-a sak niin, hetih lai hian Government House tih a ni ṭhin. Kum 1911-a India khawpui Delhi-a sawn a nih hma khan he inah hian governor-general leh viceroy 23 vel an cheng hman. A hnuah Bengal Lieutenant Governor (LG) official resident atana hman niin, tunah hian West Bengal governor office-cum-residence ah hman a ni.