Delhi University 2-in bomb tihpuaha vauna dawng

Delhi-a university pahnih - Ramjas College leh Deshbandhu College te chuan nimin khan bomb tihpuaha vauna email an dawng. Thuneitute hriattirin, campus-ah Delhi police leh Bomb Disposal Team (BDT) te tirh an ni a, enfiah nghal a ni.

Ramjaas College hi Delhi hmarlama awm niin, Deshbandhu College hi Delhi chhim lama awm a ni. Police-te chuan zirlai leh thawktute chu hmun dangah insaseng tirin, campus-a building hrang hrang bakah classroom te an enfiah nghal a, thil rinhlelhawm hmuh a awm lo tih an sawi. Mahse, university-te email dawn chu chhui zui zel a ni dawn tih an tarlang.

Thla hmasa khan Delhi-a Chankayapuri-a private school chuan bomb tihpuaha vauna hi an lo dawng tawh bawk. Police ten uluk taka an enfiah hnuah thil dik lo awm an hmu lo tih an sawi.