India leh Russia DM-in 22nd Commission Meet kaihruai dun

India defence minister Rajnath Singh leh Russia defence minister Andrei Belousov chuan nimin khan New Delhi-ah, India-Russia thawh dunna tura duan Military & Military Technical Cooperation ministerial meeting, 22nd India-Russia Inter-Governmental Commission an kaihruai dun.

Ram hruaitute hian ram pahnih inkara defence huanga thawh dunna hrang hrang neihteah zau zawkin thlirletna an nei a, Military and Military Technical Cooperation chungchang pawh enawnna neih a ni bawk. Hei bakah hian tunlai mila ram pahnih leh khawvel harsatna awmte chu, ram pahnih duhdanin thlir hona neih a ni tih official chuan an tarlang.

Ministry of Defence chuan thurel zingah hian S-400 air defence system a hun taka dawn theih dan tur chungchang sawi a nih thu leh, a dang neih belh chungchang sawi anih thu an tarlang. Hei bakah hian next generation S-500 system thar neih belh chungchangte sawi a ni tih an tarlang tel bawk. S-400 India hnena hlan hmabak pahnihte hi 2026 leh 2027-ah te India hnena hlan hman tum a ni.

Meeting-ah hian lawng siam chungchanga thawh dunnate, ralthuam siam chhuah kawnga thawh dunna tihchaknate sawi a ni.