AP-ah India-a Solar Ingot-Wafer Manufacturing Unit hmasa ber

Andra Pradesh chuan India-a solar manufacturing bungthar kaina turin solar ingot and wafer production facility chu Anakapalli district-ah ramchhunga a hmasa ber turin din a ni dawn. He hmalakna kaltlang hian 6GW siam chhuah theih tura ruahman a ni a, Memorandum of Understanding (MoU) pawh ziah nghal a ni.

Hnathawhna tur hian ReNew Energy Global PLC aiawhin ReNew Photovoltaics chuan investment Rs vbc 3,990 chu green field plant Rambilli hmunah an tifel tawh bawk. Hnathawhna tur facility hi India-a hralh chhuah theih tura ingot-wafer manufacturing unit hmasa ber a ni dawn a, solar cell leh modules siam chhuah theihna tur a ni bawk.

Proposal siamte hi Andhra Pradesh-a State Investment Promotion Board (SIPB)-in a pawmpui tawhin, kar tharah hian cabinet final opproval tura pharh a ni leh dawn a ni. He project hmang hian India-in ram dang aṭanga a chawk luh ṭhin chhawk zangkhai thei tura duan a ni a, a bikin China aṭanga chawk luh chu nasa takin a titlem thei dawn a ni.

Facility chang tlung tak dinna tur hian ram acres 130-140 a zau ruahman tawh niin, hun rei lote hnuah hmalakna tihpuitlin tura hna thawh ṭha turin ruahman a ni. Plant hi nakkum March-ah zawhfel hman beisei niin, hralh chhuah turin kum 2028 aṭangin hmalak ṭan theih rin a ni bawk.