DM Singh-an BRO project pawimawh 125 thawhna tur hawng

Defence minister Rajnath Singh chuan nimin khan Boarder Road Organisation hnuaia, India ramri infrastructure-te thuam chak hna thawhna tur project 125 chu Shyok Tunnel, Ladakh-ah a hawng. Heng project hrang hrang hmang hian kawng 28, leh lei dawh 93 siam na tura ruahman a nih thu official chuan an tarlang.

Project hrang hrangte hi ramchhunga state pasarih leh Union Teritory pahnih huam chhungah thawh tura tih a ni. Project thawhna tur hian Ladakh, Jammu & Kashmir, Arunachal Pradesh, Sikkim, Himachal Pradesh, Uttarakhand, Rajasthan, West Bengal, leh Mizoram-te a huam tel dawn a ni.

BRO hnuaia hnathawh hmang hian India engineer leh technology san bikna tarlan tum a ni a, hemi tur hian metre 920-a thui Shyok Tunnel sipai leh vantlang mite tana leimin leh vur tawlhin veivahna a tihbuai lohna tura a ruahman a ni. Hei bakah 3d-printed Himank Air Dispact(HAD) Unit complex te chu India thiamna sang tak tilang thei tura ruahman a ni bawk.

Kawng siamna tur hian Sela-Chabrela-BJG leh Shungester-Sulula kawng Arunachal a mi te, Sikkim-a Kalep–Gaigong inkalpawhna kawngte, leh Lawngtlai-Diltlang-Parva axis, Mizoram siamna turte a huam a ni. Lei dawh hi Limla I & II, Shungetsar I & II, Rabam Chu, leh Tuichangluiahte siam a ni dawn a, ram leilung khirhkhan tak hnuaia siam turte an ni hlawm.