Vawiinah PM Modi-a'n Vande Mataram debate LS-ah ṭantir dawn

Prime minister Narendra Modi chuan vawiina Lok Sabha parliament winter session neihah eptu pawl te'n session ṭan a nih aṭanga debate neih an lo ngiat tawh Vande Mataram kum 150 tlin lawmdan chungchangah debate neih tur a ṭantir dawn. Hetih laiin home minister Amit Shah chuan naktuk hian Rajya Sabha-ah a ṭantir ve bawk ang.

Lok Sabha-a Vande Mataram kum 150 tlin lawm dan debate neih tur atan hian darkar 10 chhung hun ruahman a ni a; PM Modi-a'n a sawihona ṭan zawhah defence minister Rajnath Singh in a sawi ve leh dawn a ni. Eptu party Congress chuan an deputy leader Gaurav Gogoi leh Priyanka Gandhi Vadra-te chu sawi hona nei tur hian an ruat ve bawk.

Rajya Sabha-a Vande Mataram debate neihtur hi Shah-in a kaihruai dawn a, health minister J.P. Nadda chu second speaker a ni bawk ang. Hei bakah hian eptu pawl lamin sawi hona neih an ngiat zinga mi roll ennawnna Special Intensive Revision (SIR) kal puina chungchang sawi hona chu naktuh leh Nilaini khian Lok Sabha-ah sawi hona neih leh tura ruahman a ni.