Telangana-ah Rising Global Summit-2025 hawng

Rising Global Summit chu nimin khan Bharat Future City, Telangana state governor Jishu Dev Varma'n a hawng. Summit-ah hian expert panel-te nen topic hrang hrang hmangin thil sawi hona hun hman a ni dawn bawk. Summit hi ni hnih chhung awh tur niin, hawn ni hian ‘The Just Transition into 2047: Powering Telangana’s future’ chu topic atana hman nghal a ni.

Summit tawp niah Telangana Rising 2047 vision document tlangzarh a ni dawn a, company hrang hrang hruaitu - Adani Group founder leh chairman Gautam Adani; Mahindra Group chairman Anand Mahindra leh Peterson Institute for International Economics aṭangin Arvind Subramanian-te'n hun an hmang dawn bawk.

Hun hmanah hian state hruaitu hrang hrang chief minister A. Revanth Reddy, deputy chief Minister Mallu Bhatti Vikramarka-te bakah union minister G. Kishan Reddy, Karnataka deputy chief minister D.K. Shivakumar leh cabinet eng emaw zat an tel.

Summit-ah hian venhimna khauh tak kenkawh niin 3-tier security hman a ni a, police 4,500 chuang duty tir an ni bawk. Venhimna hna thawkte hi official-te himna tur leh ram pawn aṭanga chhimtu rawn kalte himna tura ruahman a nih thu thuneitute chuan an tarlang. Summit hmang tur hian VVIP industrialist leh nihna sang tak tak nei, ram chhung leh pawn aṭangin an tel a ni.