FTA ziak turin Oman-ah PM Modi zin dawn

Prime minister Narendra Modi leh commerce minister Piyush Goyal-te chu karlehah hian Free Trade Agreement (FTA) ziak turin Oman-ah an zin dawn. An zin hun tur hi Union Cabinet-in a pawmpui hnuah tihfel tum a nih thu official chuan an tarlang.

India leh Oman hian November 2023 khan Comprehensive Economic Partnership Agreement (CEPA) siam tura inbiakna neiin, November 2023 leh March 2024 inkar khan vawi thum inbiakna kalpui a nih hnuah ram pahnih hian CEPA hnuaia kawng hrang hrangah inremna hi an siam thei dawn ta a ni.

Hei bakah commerce minister Goyal chuan European Union nena FTA siam tum pawh a hmawr bawk hnaih a nih tawh thu a sawi. New Zealand trade minister Todd McClay chuan vawiin hian FTA chungchanga inbiakna nei turin India a rawn tlawh dawn bawk.