Lok Sabha-a Congress MP-ten meeting nei

Lok Sabha-a Congress MP-te chuan nimin khan New Delhi-a Lok Sabha office complex-ah meeting an nei a, party hruaitu leh Leader of Opposition Rahul Gandhi-a'n a kaihruai.

Rahul Gandhi chuan House-a Vande Mataram leh election reform chungchanga debate-ah an party MP-te chu an che ṭha hle tih sawiin a fak. Hemi chungchangah hian sorkar lam pawh an nawr na hle tih a sawi bawk.

Lok Sabha-a Congress deputy leader, Gaurav Gogoi chuan ram chhunga harsatna chi hrang hrang, IndiGo fligth buaina, air pollution leh labour code chungchangte chu an party chuan House-ah an sawi chhuak ṭha hle a ni, a ti.

Congress party hian Lok Sabha-ah MP 999 a nei a, meeting hi Parliament sesison neih meka an party performance thlir letna atan leh, Parliament-a sawi ho thil pawimawh tak takah hma lak chhunzawm zel dan tur ngaihtuahna atan an hmang a ni. Nimina meeting-ah hian Thiruvanthapuram MP Shashi Tharoor leh Chandigarh MP Manish Tewari te erawh an tel hman lo.

Gogoi chuan Lok Sabha-a election reform chungchang sawi honaah, party hruaitu Rahul Gandhi-a'n vote tihchingpen leh ruk chungchangah home minister a chona chu mitinin an hmu a ni tiin, he thil hian home minister pawh a tichiai hle a, Parliament-a chhah chhuaha mawi lo ṭawngkamte pawh a hmang a ni, a ti. Election reform chungchang hi Rajya Sabha-ah sawi ho a ni leh ang.