Sorkarin MGNREGA hming a thlak

Union cabinet Zirtawpni liam taa ṭhu khawm chuan MGNREGA (Mahatma Gandhi National Rural Employment Guarantee Act) thlakna tur bill put luh chu pawmin, “Pujya Bapu Gramin Rozgar Yojana” tia a hming thlak a remti. Hming thlak a nih bakah ni 100 chhung inhlawhna pek ṭhin chu ni 125-ah tipungin hlawh pawh ni khatah a hniam ber tur pawh Rs 240-ah a tisang bawk.

Scheme hmasa zawk kha August 25, 2005 khan parliament-ah pawm niin “National Rural Employment Guarantee Act” tih hming vuah a ni a, hemi hnu kum 2009-ah khan a hming bul “Mahatma Gandhi” tih hi belh leh a ni thung.

Bill pawm thar hmang hian panel chuan siam rem a ngaihna laiah thawm ṭhatna an kawhhmuh thei dawn a, state tinah chhungkaw sum lak luh zat dinhmun a zirin sheme aṭanga paih theih an ni bawk ang. Sorkar chuan scheme hnuaia funding pawh a siam ṭhat beisei a ni bawk a ni. Scheme hnuaiah hian mi harsa zualte tan sorkar kum thar apiangah inhlawhna, un-skill job siam ṭhin a ni.