PM Modi ram pathum tlawhin zin chhuak

Prime minister Narendra Modi chu nimin khan ram pathum Jordan, Ethiopia, leh Oman-te tlawh turin a zin chhuak. Heng ram pathumte leh India hian inlaichinna ṭha tak a neihpuite an ni a, PM hian thawh hona tur hrang hrang sawiin ram hruaitute a kawm nghal dawn a ni.

Ram pathum zingah hian Jordan a tlawh hmasa ber dawn a, Jordan lal King Abdullah II ibn Al Hussein sawmna tihlawhtlinga zin a ni. Ram pahnihte hi kum 75 chhung an lo thawk dun tawh bawk.

PM Modi hian Jordan lal Abdullah II a kawm bakah prime minister Jafar Hassan leh Crown Prince Al Hussain bin Abdullah a hmu bawk ang. Jordan aṭangin Ethiopia a pan dawn a, Ethiopia prime minister Abiy Ahmed Ali nen inkawmin joint session parliament an kaihruai dun dawn a ni. India-Ethiopia thawh dunna kaltlanga Global South hmasawnna thlen chungchang an sawi dun bakah India mi leh sa awmte kawmna hun a hmang bawk ang.

Modi hian a zin chhunga a ram tlawh hnuhnung ber tur Oman-ah hian Sultan of Oman nen India-Oman Strategic partnership tihchakna tur sawiin hun a hmang dawn a; hei bakah commercial leh economy lama inlaichinna tihchak dan turte an sawi dun dawn bawk.