Chief Information Commissioner atan Raj Kumar Goyal ruat

Prime minister Narendra Modi kaihhruai member pathum awmna panel-in IAS officer hlui, Raj Kumar Goyal chu Chief Information Commissioner(CIC) atana rawtna an thlen hnuah nimin khat lak luh a ni. President Droupadi Murmu chuan Rashtrapati Bhavan-ah CIC thar atan rinawmna thu tiam tirin a la lut a ni.

Goyal hi kum 1990 batch niin Arunachal Pradesh-Goa-Mizoram-Union Territories (AGMUT) cadre a ni a, Ministry of Law and Justice hnuaiah department of Justice-ah secretary-in August 31 khan a chawl a ni. Home Ministry hnuaiah Secretary (Border Management) hna lo chelh tawhin, hna pawimawh tak tak a lo thawk tawh ṭhin bawk.

CIC post hi Heeralal Smariya, September 13-a a chawlh hnuah ruakin, kum kua dawn post kim lo a commision a kal tawh hnuah hnawhkhah a ni thei ta a ni. Commission hi CIC kaihhruaina hnuaiah awmin, tunah hian Anandi Ramalingam leh Vinod Kumar Tiwari-te chu information commisioner ni lai an ni.