Sorkarin Police university din tum

Union home minister Amit Shah chuan Pune-a DGsP/IGsP conference vawi 54 hmannaah, 'All India Police University' leh 'All India Forensic Science University' din tum a nih thu a sawi.

He University din tum a nih chhan chu misualte chunga hremna rang taka lekkawh a nih theihna tura Indian Penal Code (IPC) leh Code of Criminal Procedure (CrPC) siamṭhat tuma hmalakna chak zawk a awm theih nana tih a ni. 

Greater Noida (Uttar Pradesh)-a acre 100-a zauah, Central Police University chu din tum a ni a, he University-ah hian Policing, Internal Security, Cybercrime leh Forensic-Sciences lamahte Gra­duate leh Post-Graduate course siam tum a ni bawk.  

Amit Shah chuan IPC leh CrPC chu British ho siam a nih thu leh, a rei tawh avangin siamṭhat a hun tawh tih sawiin, a siamṭhatna chu Bureau of Police Research and Development (BPRD)-in draft hmanga an buatsaih vek tawh thu, kar kal ta khan a sawi.