Sorkar laipuiin Vande Mataram-theme Republic Day ruahman

Sorkar laipui chuan nakkum January 26-a India Republic Day hman tur chu Vande Mataram-theme a hman turin a ruahman a, European Commission leh European Council president-te chu khuallian atana sawm tum an ni.

Nakkuma Republic Day lawm tur hi a vawi 77-na tur a ni a, khuallian atan hian ram pakhat hruaitu sawm an ni tlangpui ṭhin a, mahse, nakkumah erawh khuallianah hruaitu pahnih an awm dawn a ni. Kum 2018 khan sorkar laipui chuan ASEAN ram 10 hruaitute chu khuallian atan a lo sawm tawh bawk.

Republic Day vawi 77-na hman tur hi India National Song atana hman, Vande Mataram chang pahnih tihchhuah a nih aṭang a kum 150-na tur a ni. Hemi ni hian National Song leh a phuahtu, Bankim ankim Chandra Chattopadhyay chanchin, one minute film 25 tichhuak turin Ministry of Information and Broadcasting ngen an ni bawk. Ministry of Defence chuan sawmna sem chhuah turah hian “150 Years of Vande Mataram” logo dah a rawt a, pass pe chhuaka “VIP” leh “VVIP” dah pawh paih a rawt bawk a ni. Vande Mataram theme hman tur hi kum dangah hman chhunzawm zel a ni dawn em tih erawh sawi chian a ni lo.