India leh New Zealand-in FTA ziak

India leh New Zealand chuan nimin khan insumdawn tawnna tura inremna, free trade agreement(FTA) an ziak fel. Inremna thar hi prime minister Narendra Modi leh New Zealand prime minister Christopher Luxon te'n phone call hmanga an inbiak hnuah an tifel thei ta a ni. FTA thar hi India-in kumin chhunga inremna a ziah pathumna a ni bawk.

US-in India laka chhiah lak a tihpun hnuah India chuan ram dang nena insumdawn tawnna kawng zau zawk a dap zui zel a, kumin chhungin UK leh Oman-te nen inremna hi an lo ziakf el tawh bawk. India hian ram dang UAE, Australia, leh Mauritius-te chu EFTA a lo ziah pui tawh a ni.

India leh New Zealand-te hian inremna hi thla kaw chhung inbiakna an kalpui hnuah tifelin, inremna kaltlang hian kawng hrang hrangah thuk zawkin thawhdun a ni dawn a; sumdawn tawnna bakah ram pahnih hlawkpui ve ve theihna turin an thawk dun tel dawn bawk.

Inremna thar kaltang hian New Zealand aṭanga India bungraw chawk luh hlut zawk chu USD tld 1.1 aṭangin USD tld 1.3 kum tin a tlin theih beisei a ni a, FTA kaltlang hian chhiah lak 95% lai chu tihbo a ni bawk niin Luxon chuan a tarlang.