DM-in ralthuam Rs vbc 4,666 man hu leina tur contract tifel

Ministry of defence chuan Thawhlehni khan defence huang thuam chakna turin ralthuam leina tur contract Rs vbc 4,666 hu inremna a ziak fel. Contract thar ziah hi Close Quarter Battle (CQB) Carbines Indian Army leh Navy hman tur niin, Amrmed Forces-te tunlai zawka hmalam panna tur leh hmalakna awm tur atana inuahchak lawkna tur atana tih a ni.

Contract thar ziah hi defence minister Rajesh Kumar Singh chuan a hming ziah hnanin, contract hnuaiah hian CQB carbines leh a hmanrua hrang hrang Rs vbc 2,770 hu chu Indian Army leh Indian Navy hman turin Bharat Forge Ltd leh PLR Systems Pvt Ltd te'n an siam dawn bawk.

Project thawh tur kalpui dan phung hi private sector huang tihchakna tur atana ruahman tihhlawhtlinna kawng niin; 'Make in India' kalpui chunga hnathawktu tihchakte, MSME thlawpna leh India chhunga ralthuam siam chhuah tihhmasawnna atana ruahman a nih thu defence ministry chuan an tarlang. Ralthuam siam chhuah thar tur hi April 2028 aṭanga pek chhuah ṭan theih tum niin, kum 2030 a zawh fel hman tum a ni.

Defence ministry hian kum 2025-26 sorkar kum chhung hian ralthuam siamna tur lian tham contract hi Rs vbc 1,82,492 hu ziak fel tawhin, heihian India Defence force thuam chak leh tihhmasawn kawnga a inpumpekna a tih lan bakah ramchhung ngeia siam ralthuam chawi lar a tumna tilang tur a ni a tih theih bawk.