Venezuela rama zin lo turin mipui chah

Sorkar laipui chuan US sipaiten Venezuela khawpui, Caracas-a beihpui thlak a, an ram president an man hnuah boruak awm dan thlithlai rih a, pawimawh tawpkhawk a nih loh chuan Venezuela rama zin rih lo turin khua leh tuite a chah.

Ministry of External Affairs (MEA) chuan Venezuela rama India mi awm mekte pawh fimkhur tur leh, pawn chhuah lam pawh insum turin a ngen bawk. Caracas-a Indian embassy chu bepawp ṭhin tura chahin, embassy phone number pawh a tarlang nghal bawk. Venezuela ramah hian Indian origin 30 leh non-resident Indian 50 vel an awm mek a ni.

US sipaiten Venezuela khawpuia beihpui thlak a, an president Nicolas Maduro leh a nupui an man hnuah, Venezuela sorkar chuan an ram pumah emergency a puang a ni. US chu an sipai hmunte bakah civil mite pawh bei telah puhin, Maduro thlawptute chu US chetdan duh lohna lantir turin an hrilh bawk.