Karnataka by-election: Seat 15-ah BJP-in seat 12 an la

Karnataka byelection result nimina chhiarah seat 15-ah BJP chuan seat 12 an la. Congress chuan seat pahnih la bawkin, Independent-a dingin seat khat a la ve bawk. Congress-Janata Dal (Secular) ṭangrual sorkar aṭanga MLA 17 July thlaa an ban avangin Karnataka-ah hian inthlan ṭhatna hi neih a ni a, MLA bangte hian BJP hi zawmin, kar liam ta Ningania inthlan ṭhatna neihah khan BJP hian MLA bang an party zawm zinga 16 hi an party ticket-in an dintir leh a ni.

Supreme Court-in MLA bangten BJP MLA an nih zawmna tur a hnawl tak avangin BJP hian seat paruk-ah chak an mamawh a, seat 12-ah an chak ta tho. Chief minister hlui HD Kumarawamy commu­nity Vokkaliga hmunpui, JD(S) chakna leh BJP-in seat an la lak ngai lohnaah pawh BJP hi an chak a, hei hian sawizui a hlawh hle. Prime minister Narendra Modi chuan Karanataka byelection chuan mipuiin BJP sorkar an la ringtawk tih a tilang tih a sawi. JD(S) in seat pakhatmah an la lo thung a ni.