India-a US ambassador nihna Sergio Gor-in la fel ta

India-a US ambassador thar tura ruat, Sergio Gor chuan nimin khan a office a luah fel ta. Gor hian office a luah luh hmaa thu a sawiah, US president Donald Trump chunga a lawm thu leh India-a mission chuan US nena thawh dunna a tihchak ngei a beisei thu a sawi.

Gor chuan India leh US inkar sumdawnna chungchang pawh sawi langin, ram pahnihte hian trade deal nei tura inbiakna an kalpui zel thu a sawi. Vawiin hian kumin atana trade deal chungchanga inbiakna hmasa ber neih a ni dawn tih a sawi bawk.

India chu US kaihhruaina hnuaia khawvel ram hrang hrang hmasawnna tur atana duan, Pax Silica full member ni tura sawm an nih tur thu Gor chuan a sawi. Sumdawnna chu inlaichinna ṭha nei tura pawimawh a nih thu sawiin, hei bak thil pawimawh dang - security, firfiak pawl dona, energy, technology, education leh hriselna thleng pawhin thawh dunna ṭha tak tak neih chhunzawm tum a nih thu a sawi a ni.