PM Modi-a'n CSPOC vawi 28-na hawng dawn

Prime minister Narendra Modi chuan naktuk, January 15 hian Parliament building hluia Central Hall, Samvidhan Sadan tiha vuah takah 28th Conference of Speakers and Presiding Officers of the Commonwealth (CSPOC) hawng dawn.

Conference neih tur hi kum 16 liam hnua India Parliament-in a thlen leh vawi khatna tur a ni a, commonwealth ram hrang hranga senior parliamentary leader-te an fuan khawm dawn a ni. India hian conference hi kum 1971, 1986, leh 2010-ahte khan alo thleng tawh bawk.

Conference hman tur hi Lok Sabha speaker Om Birla chuan a kaihruai dawn a, hun hmanah hian Commonwealth ram aṭangin Speaker and Presiding Officer 76 an tel theih beisei a ni. Anni bakah Parliamentary aiawhte pawh an rawn tel theih rin a ni bawk. Kumin conference-ah hian commonwealth ram 53 a parliament aiawhte an tel dawn a., hei hian bicameral 23 leh unicameral legislatures 30 a huam tel a ni.

Birla chuan sawi ho turin a tum ber chu parliamentary hnaa artificial intelligence leh social media role neih dan chungchang a nih thu sawiin, kalkhawmte chuan technology thar hmanga awlsam zawka hmasawnna, langtlang zawk leh vantlang thleng phakte kalpui a nih theih dante an sawi ho dawn tih a tarlang. . Birla chuan January 15 hian theme lian tham pahnih hmanga sawi hona neih a nih tur thu a sawi bawk a ni. Technology kaihhnawih bakah khawvel puma harsatna thleng ṭhin hrang hrang sik leh sa danglam, firfiaka chetna, leh cybercrime-te doletna chungchangte sawi tel tum a ni bawk.

Ram aiawh rawn telte chu India tradition 'Atithi Devo Bhava' hmanga lo lawm tur an ni dawn a, January 16-a conference a zawh hnu hian CSPOC chairmanchip nihna chu Sir Lindsay Hoyle, UK House of Commons speaker hnenah hlan chhawn a ni nghal ang.