DRI-in beihpui thlaknaah ruihhlo kg 270 an man

Directorate of Revenue Intelligence (DRI) chuan state hrang hranga ruihhlo dap beihpui an thlakna aṭangin ruihhlo mephedrone kg 270 a rit chu ruihhlo zuar chhuaktute hnen aṭangin an man. Beihpui thlak hi ni hnih chhungin state hrang hrangah kalpui a ni a, mephedrone man tam ber record niin Rs vbc 81 hu vel man a ni pha a ni.

Ruihhlo man hi ram chhungah a zuar chhawngtute hnenah thawn darh ṭhin a ni. Tun ṭuma an man hi Deedwana-Kuchaman state highway, Rajasthan-ah archaw phurhnaah thuhruk a ni. Ruihhlo man a nih hnu hian Haryana leh a chheh velah dap chhuah beihpui thlak zui niin, ruihhlo zuartu zinga mi leh a siamnaa inhnamhnawih ni ngeia hriat pawh an man zui bawk.

DRI hian ruihhlo hrang hrang - mephedrone, alprazolam, leh methamphetamine dan loa siam chhuahna hmun paruk chu man tawhin, an mante hi Wardha, Hyderabad, leh Greater Noida hmuna mite an ni.Agency chuan intelligence aṭanga thudawn bawh zuiin ruihhlo drug leh psychotropic ruihhlo eng emaw zat an lo man chhuak tawh a ni.