Maharashtra CM leh US ambassador Gor inkawm

Maharashtra chief minister Devendra Fadnavis chuan Inrinni liam ta khan a chenna inah India-a US ambassador thar, Sergio Gor kawmin state chhunga US nena thawh ho theihna tur hrang hrang an sawi dun.

Hruaitu pahnih inkawmnaah hian investment leh sumdawnna tihhmasawnna tura thawh dun chu thlurbing a ni. Meeting hi Consulate General Michael Schreuder chuan a telpui bawk a ni.

State sorkar leh US thawhdunna tur chungchangah hian US lamin Maharashtra-a investment an tih theihna tur te, state chhunga company awmten US lama an zauh theihna turte an sawi.

CM Fadnavis chuan US aiawhte chu state-a flagship leh strategic initiative chungchang leh Navi Mumbai International Education City a hrilhhriat thu sawiin, 'US-Maharashtra partnership' chungchangah an inrem thei niin a tarlang a;Maharashtra leh US chuan thuk zawka thawh dunna neih chu a tum ber a nih thu a sawi bawk

Gor pawhin Mumbai trip a neih chunchang sawiin, inkawmna neih chuan state mai bakah India-US thawh dunna chu kawng hrang hrang trade, technology, education, energy, leh bungraw inthawn kalpuina dan nghet lehzual nei theihna tur a thlen thei dawn niin a tarlang ve bawk.