India-a Vande Bharat sleeper rel hmasa ber service ṭan dawn

Ram chhunga Vande Bharat rel hman ṭan a nih aṭanga kum ruk dawn a liam hnuah, India-a a hmasa ber turin Ningani hian Vande Bharat sleeper class, commercial hmasa ber tur chu tlan ṭan tir a ni dawn. Rel changkang zawka duan hi NorthEast Frontier Railway (NFR) zone hnuaia enkawl tur niin Guwahati(Kamakhya)-Howrah inkara tlan tur niin, km 972 a thui darkar 14 chhunga thleng thei tura ruahman a ni.