J&K CM Omar leh HM Shah Delhi-ah inkawm

Firfiak pawl dap chhuah beihpui thlak mekna, Jammu and Kashmir chief minister Omar Abdullah leh union home minister Amit Shah-te chu nimin khan Delhi-ah an inkawm a, Union Territory-a harsatna awm leh chinfel ngai hrang hrangte an sawi dun. Hruaitu pahnih inkawm hian sorkar laipui leh UT inrelbawlna pawimawh hrang hrangte an sawi dun nghal bawk

Hruaitu pahnihte hian J&K-a harsatna hrang hrang awm - rorelna, security, hmasawnna, leh politic pumpui dinhmun bakah inrelbawlna dinhmun chungchangte an sawi dun. An inkawmna hi sorkar laipui leh UT thawh dunna tihchakna atana hmalakna pakhat a ni bawk. Hetih laiin inbiakna neih chungchangah hian official lam aṭangin chanchin kimchang engmah tarlan a la ni lo thung.

Nimina inbiakna neihah an sawi dun hrang hrangte tarlan vek ni lo mah se dan leh thupek chungchang, venhimna kalpui dan, hmasawnna thlen thei thilte, sorkar laipui puihna leh J&K inrelbawlna tluang taka kalpui a nih theih dante chu thupui pawimawh zingah an telh rin a ni.