Jharkhand sorkar leh Tata steel Ltd,. in LoI leh MoU ziak

Devos, Switzeland-a World Economic Forum (WEF) annual meeting neih mekah Jharkhand sorkar leh Tata Steel Limited chuan Thawhlehni khan thawh dunna turin Letter of Intent (LoI) leh Memorandum of Understanding (MoU) an ziak. Inremna siam hmang hian investment Rs vbc 11,000 hu tih theih beisei a ni.

State sorkar leh Tata company inremna kaltlang hian thawh dunna tur, New Age Green Steel Technologies kalpui tum a ni. India chuan carbon tichhuak tlem leh khuarel thil siam tichhe lo zawnga industry ṭhanna thlen tir chu a tum ber a ni. Jharkhand CMO-in a tarlan danin, thawh dunna hmang hian Netherlands leh Germany-a green steel technology-te chuan state chu khawvel huapa daihrei zawk siam chhuaktu pawimawh zingah a hlangkai theih an beisei.

Chief minister Hemant Soren kaihhruaina hnuaiah hian Jharkhand chuan mineral-based economy lam hawia hmasawnna tur an buaipui mek a, hemi kaltlang hian hmalam hun atana industrial development thlen thei tur leh daih rei zawk siam chhuahna hmunpui nih an tum ruh hle. Jharkhand sorkar leh Tata Steel-te hian Tata Group kaltlanga industrial tourism lam chawilar turin MoU an ziak nghal bawk.