R-Day-ah J&K hmeichhe officer-in mipa hlang CRPF kaihruai dawn

Republic Day vawi 77-na lawmna Kartavya Path, Delhi-a neih turah a vawi khatna turin Central Reserve Police Force (CRPF) mipa hlang contingent awmna chu Jammu and Kashmir - CRPF Assistant Commandant kum 26 mi, Simran Bala-i'n a command dawn. CRPF-a hmeichhiate hian parade hi lo kaihruai fo tawh mah se, mipa hlang 140 chuang awmna erawh hmeichhiain a kaihhruai vawi khatna tur a ni.

Bala hi Rajouri, J&K aṭanga seilian niin an district aṭanga paramilitary force-a officer rank zawm hmasa ber a ni a, political science subject zirchhuak a ni bawk. Nikum April khan force-ah hian lak luh a ni a, Chattisgarh-a 'Bastariya' battalion-ah anti- Naxal operation hna thawk turin a post hmasa ber a chelh a ni.

R-Day parade-ah hian India sipai tha chakna bakah hnam ziarang hrang hrang te chu tableau hmanga entir ṭhin a ni bawk. Kuminah hian CRPF leh Sashastra Seema Bal (SSB) a hmeichhe hlang 'dare devils' an tihte chuan a rualin Enfield bullet bike khalh an entir leh dawn bawk.