CAB hi India Constitution beihna a ni : Rahul Gandhi

Congress hruaitu Rahul Gandhi chuan Lok Sabha-a CAB pass a ni chu pawi a tih thu sawiin, he bill hi India ram Constitution beihna a ni, a ti. He bill thlawptu chuan India ram innghahna chhan bulpui ber beiin, tihchhiat a duh tihna a ni tiin Rahul Gandhi chuan a sawi. 

Congress general sec­retary, Priyanka Gandhi Vadra pawhin Thawhṭanni zana CAB pass khan India-in duhsak bik leh rilru zim tak pua thil a kalpui dan chu nemghehin a awm ta tih a sawi. "Kan thlahtute khan thisen chhuakin kan zalenna turin an bei a ni. Chu zalenna min sual chhuaksakah chuan mitinte intluk tlanna leh sakhaw tin zalenna pawh a tel a ni," a ti. Congress party chuan India Constitution tih­chhiat tuma sorkar hma­lakna chu a bei let zel dawn tih a sawi bawk. 

Congress party hian CAB hi Rajya Sabha-ah a pass a nih leh chuan Supreme Court-ah thlen an tum. Senior party leader leh finance minister hlui P.Chidambaram chuan CAB hi ram danpui  kalhna chiang tak a ni a, hei vang hian inbeihna tualzawl chu Supreme Court lamah sawn a ni ang, a ti.