Scientist leh scholar-ten CAB an dem

India rama scientist leh scholar 1,047 te chuan Thawhṭanni khan CAB demna open letter tichhuakin, he bill hi hnukdawk leh nghal turin sorkar an phut thu an sawi. 

He open letter-a hming ziak zingah hian research institution lian - Rajesh Gopakumar of International Centre for Theoretical Sciences, Sandip Trivedi of Tata Institute of Fundamental Research-a director-te bakah, Ramon Magsaysay Award dawngtu Sandeep Pandey leh SS Bhatnagar dawngtu Atish Dabholkar te an tel. 

"India Constitution-ah chuan sakhaw hrang hrang zuitute chu ang khat veka en a ni. Tehfung atana sakhua hman hi ram Danpui innghahna nena inmil lo a ni. Hetianga Muslim mite hmaih bik an ni hian India rama sakhaw tin intluktlanna awm chu a tichhiat kan hlau a ni," tiin an ziak.