India-in Croatia-a embassy beihna thleng dem

India chuan Ningania Croatia-a Indian Embassy beihna thleng chu an dem takzet tih sawiin, he pawikhawihnaa inhnamhnawih ni ngeia hriat, Khalistani rawngkaite lakah na taka hmalak ngei an phut tih an tarlang. Pawikhawihna hi India-EU summit, New Delhi-a neih tuk maia thleng a ni.

Ministry of External Affairs(MEA) chuan Croatia thuneitute nena ṭangkawpin thil thleng chungchangah hian chak taka hma lak a nih tur thu an sawi a, India leh Croatia chuan pawikhawihtute man chhuah ngei an nih tur thu an tarlang.

Pawikhawihtu ni ngeia hriat, Khalistani mi leh sa te hi embassy chhungah lutin, India hnam puanzar awmte chu la thlain an suasam zui nia tarlan a ni. Hetiang pawikhawihna hi a thlen zui tawh lohna turin thuneitute chu dan leh thupek kengkawh ṭha turin MEA chuan a ngen nghal bawk.