Pakistan Prime Minister-in Citizenship bill a sawisel

Pakistan prime minister Imran Khan chuan Bang­ladesh, Afghanistan leh Pakistan aṭanga India rama pem lut, Muslim te telloa sakhaw dang zuitute khua leh tui nihna pek theihna  bill India Parliament-in a pass chu na takin a sawisel. 

Pakistan PM leh foreign ministry chuan India thiltih dan demna thuchhuah an siam a ni. He bill pass tak hian international human rights law a kalh bak­ah,  Pakistan leh India-in inremna an lo neihte a bawhchhia a ni, tiin Khan chuan a sawi. 

"Hetianga innekbehna leh inthliarna dan siam hi kan dem a, hei hi inter­national conventions leh norm kalh a nih bakah a ṭhenawm ramte laka India inrawlh a tumna a ni," tiin Pakistan PM chuan a sawi a ni.