India thil siam reng reng a ṭha ber a ni zel tur a ni: PM Modi

Prime minister Narendra Modi chuan nimin khan thla tina radio kaltlanga thusawina hun a hman ṭhin, 'Mann Ki Baat' vawi 130-na a hmang a, industry leh start up-te chu an thil siamte chu quality ṭha leh a nih dan tur phak ngei ni turin a chah. India thil siam reng reng chu a ṭha ber ni zel turin a chah.

"India thil siam chhuah reng reng chu quality tak a ni tur a ni a; kan textile, technology, electronic mai bakah package awm chi thlengin a ṭha ber vek an ni tur a ni. India product chu khawvela aṭha ber 'top quality' a ni tur a ni", tiin PM hian a sawi. Heng bakah hian ṭhalaite chu kum 10 liamta aṭanga bul lo ṭan tawh, India start up kaltlanga tha tho taka hma an la chu chhuanawm a tih hle thu a sawi.

PM Modi chuan India chu khawvel huap start up ecosystem lian ber pathumna a nih mek thu sawiin; heng start up-te huang hi a zau hle a, AI, space, nuclear energy, semiconductor, mobility, green hydrogen, leh biotechnology thlengin a huam tel vek tih a tarlang. Hengte a nih avang hian start up sector hrang hrang khawiah pawh ṭhalai thawktu an awm zel chu lawmawm a tih thu a sawi. PM hian ram mipuite National Voters Day leh Republic day chibai a buk zui nghal a ni.